Domaine de La Ville Heleuc, un petit coin de paradis en Bretagne
La blogo de la Ville HeleucTie ĉi vi trovos la lastajn artikolojn kaj fotojn pri kio okazas, kion ni faris, kion ni planas … Por trovi pli malnovajn artikolojn, serĉu kaj klaku dekstre sur kategorion, ŝlosilvorton, monaton en la arkivoj, aŭ simple serĉu vorton preferatan. Lasu al ni komenton, estos plezuro. Ĝuu! Beatrice
Ni prezentas al vi niajn bondezirojn por la nova jaro 2016! Alklaku la sagon sur la foto por vidi bildaron pri tio, kio okazis ĉi tie en 2015. 2016 certe alportos al ni novajn eventojn, surprizojn kaj renkontiĝojn en La Ville Heleuc – eble eĉ vi… Ĉiukaze ni deziras al vi ĝojon, amon, bonŝancon, dividon, sanon, … por tiu ĉi nova jaro – ke ĉiuj viaj projektoj realiĝu! Beatrice & Michel
Sambukvino – versio 2015 La florado de sambuko jam komenciĝis fine de majo en La Ville Heleuc – tempas ekprepari la ĉijaran sambukoŝaŭmvinon. Laŭ la luna kalendaro dimanĉo kaj lundo estis florotagoj – la plej bona luna tago por komenci la preparadon. Tamen la suno tute ne montriĝis dimanĉon kaj la vetero estis eĉ malseketa, do nur lundon mi rikoltis la 78 sambukumbelojn necesajn (vidu la recepton suban). Feliĉe la printempa mielrikolto jam finiĝis kaj la mieleltirujo disponeblis. Ĝi estas el neoksidebla ŝtalo, havas la bonan dimension kaj krome kranon en la suba parto. La sambukfloroj kovritaj de akvo, citronoj, sukero kaj vinagro aldonitaj, necesis nur turni vigle la tuton. Dum 5 tagoj la preparaĵo estas turnota trifoje tage, poste filtrota kaj enboteligota (prefere dum fruktotago). Kaj tri semajnojn poste eblos tosti! Jen la kvantoj necesaj por trideko da boteloj 26 umbeloj de sambuko 6 organikaj citronoj tranĉitaj kvaroble 2,4 kg da organika sukero 6 kuleroj da organika cidrovinagro 24 litroj da akvo
Ĉi tagmeze niaj gastoj trovis strigidon ĉe la enirejo de Le Fournil. Temas ŝajne pri arbarstrigo. Strange, ĉar kutime loĝas turstrigoj en nia strigujo supre en la biendomo… Okazas foje, ke kiam la etuloj lernas flugi, ke iu ne sukcesas reiri al la nesto. Tio estas okazo por niaj infanoj observi strigidon el proksime. Michel venigas la grandan ŝtupetaron, surmetas dikajn ledogantojn kaj jam estas supre sur la ŝtupetaro kun la strigio. Kaj jen ĝi sidas denove en la nesto kun siaj gefratoj.
La tuta tribo de La Ville Heleuc deziras al vi ĉion bonan por la nova jaro 2015! Sanon, ĝojon, amon, bonŝancon, dividon, … ĉion, lion vi deziras, kaj chrome baillant feriojn! Beatrice & Michel
Antaŭ nelonge ni malkovris ĉi tiujn malgrandajn dometojn en la arbaro ĉirkaŭ la spegulo de la feinoj. Ni klopodis vidi la loĝantojn tra la fenestroj aŭ tra malfermita pordo, sed sensukcese. Opinioj diferencis – ĉu temas pri dometoj de elfoj aŭ feinoj aŭ aliaj uloj? … kaj nun ni sukcesis vidi sub la suno de la lasta tago de 2014 kelkaj kelkajn de la loĝantoj flugi kaj danci en la sunradioj inter la malmultaj folioj, kiuj restas en la arboj. Ne plu ekzistas dubo – ja temas pri feinoj!
50 g de likva kremo 100 g de nigra ŝokolado 100 g de lakta ŝokolado 150 g de kaŝtankremo Varmigi likvan kremon kaj ŝokoladon. Aldonu kaŝtankremon kaj bone miksu ĉion. Konservu malvarme. Nu, kion vi pointais pris toi? Ĉiu ŝategas ĝin ĉi tie!
Ĉi-jare ni decidis havi ekologian kristnaskan arbon. La vizito de Mahery kaj Justine de Hopineo estis la okazo fair tiun kvarope, kaj pli rapide ol dirite la abro jam estis farita, instalita kaj dekorita. Kaj kelkajn horojn poste Mahery jam finpretigis tiun filmeton. Iom poste necesis decidi pri kristnaska arbo por la domo. Post kelkaj hezitoj rilate al eblaj reagoj de la etuloj, ni elektis fine similan arbon. Kaj ĝi plaĉis al ĉiuj. Vidu ankaŭ ĉi-tie. Dume malaperis la kristnaskaj dekoracioj ŝirmiĝis la abri. Venontan jaron sufĉos instali la arbon, malfaldi ĝiajn branĉojn kaj dekoracii ĝin denove. PS: por tiuj el vi, kiuj deziras fari samen, prenu bastonon kun diametro de almenaŭ 1 cm por eviti, ke la arbo moviĝu tro. En la domo ni alfiksis la pinton kun fadeno al la plafono por ke infanoj ne renversu ĝin. La kandeloj estis fiksitaj per malgrandaj vaksotranĉetoj kaj fajroestingilo ĉiam proksimiĝis – bonvolu esti tre tre atentema.
Post pli ol 12-jara foresto abeloj revenis al La Ville Heleuc! Kvar abelaroj estis instalitaj alte en la metiejo de Michel. La abelujoj tiel estas bone protektataj de varmega vetero somere kaj de malvarmo vintre. Krome alta instalado ebligas pasi sube sen danĝero. Ni esperas kolekti mielon en la venonta jaro, sed nuntempe prioritato estas la instalado de niaj kelkaj 100 000 novaj gastoj en ties hejmoj.
Esperanto
Français
Deutsch
English
